ffyrdd o maethu
eisoes yn maethu?
eisoes yn maethu?
Mae Maethu Cymru’n sefydliad nid-er-elw. Rydyn ni’n canolbwyntio ar bobl. Ein pwrpas yw cefnogi a grymuso gofalwyr maeth a chreu’r dyfodol disgleiriaf posibl ar gyfer plant lleol – dim gwneud elw.
Efallai eich bod eisoes yn maethu gyda ni. Os ydych chi’n maethu gyda’ch Awdurdod Lleol ar hyn o bryd, rydych chi eisoes yn rhan o Maethu Cymru. Rydych chi’n rhan o rwydwaith cenedlaethol o 22 o wasanaethau maethu Awdurdodau Lleol Cymru, pob un yn cydweithio tuag at yr un nod.
Os nad ydych yn maethu fel rhan o’ch Awdurdod Lleol, gallwch chi drosglwyddo aton ni. Mae’n hawdd! Dyma bopeth sydd angen i chi ei wybod.
sut i drosglwyddo
Y cyfan sydd angen i chi ei wneud yw cysylltu â’n tîm cyfeillgar yma ym Maethu Cymru Ceredigion a rhoi gwybod i ni am eich dymuniad i drosglwyddo aton ni.
Yna byddwn ni’n gweithio gyda chi i weld a ydyn ni’n cyfateb yn dda ac, os byddwch chi’n penderfynu gwneud hynny, byddwn ni’n eich cefnogi i drosglwyddo.
pam trosglwyddo
Cyfrifoldeb yr Awdurdod Lleol yw pob plentyn sydd angen gofalwr maeth. Felly, i lawer, mae’n gwneud synnwyr gweithio gyda system yr Awdurdod Lleol, sef Maethu Cymru.
Y tu hwnt i hyn, rydyn ni’n sefydliad nid-er-elw sydd â’r nod o helpu plant lleol i fyw bywydau hapus, diogel a sefydlog. Rydyn ni wedi ein lleoli yn y gymuned, felly mae gennyn ni ddealltwriaeth fanwl o’r heriau a allai godi, a’r holl wasanaethau cefnogi lleol sydd wrth law.
Felly, os ydych chi’n frwd dros helpu plant i gynnal ymdeimlad o hunaniaeth wrth adael cartref, drwy gynnal cysylltiadau â’r ardal maen nhw’n ei hadnabod, fe allen ni gael partneriaeth wych!
Rydyn ni yma i’ch helpu chi i wneud gwahaniaeth go iawn i fywydau pobl ifanc.
Hoffech chi ymuno â ni? Dewch i gael rhagor o wybodaeth am y manteision a’r gefnogaeth rydyn ni’n eu cynnig.
